Lou tresor de la lirico troubadourenco

Fau saupre que nosto literaturo e nosto pouësìo soun quàsi milenàri. Nosto lengo fuguè la bello proumiero que l'escriguèron en Éuropo, après lou latin. L'art dóu "trobar", enlusi, entre li proumié, pèr lou Comte Guilhèm IX d'Aquitàni, s'endrudiguè, mai d'un siècle de tèms, bono-di de centenau de troubaire de touto coundicioun e sourti de forço endré d'Éuropo pounenteso, d'Anglaterro à la Catalougno, d'Aragoun à l'Itàli. Sa sciènci de l'espressioun fino di sentimen e soun gàubi dóu lengage soun espetaclous e perseguisson de nous espanta sèmpre encuei après agué enfluencia la creacioun literàri éuroupenco de Dante e Petrarco i felibre en passant pèr li roumanti. Inventèron, entre autre, lou councèt de "fin'amor" qu'esplecho uno vesioun nouvello di raport entre ome e femo, e d'aqui de la soucieta. La "crozada" pièi li douminacioun estrangiero que se countunion vuei an pourta à-n-uno endavalado duradisso de la lengo d'o qu'avié voucacioun, pecaire, à veni lengo de culturo internaciounalo. A-n-elo, lis àvi i'avien mes "roman" o "proensal" o encaro "lemosi". Soun unita dins lou tèms e dins l'espàndi es ufanouso. Vaqui un eiretage requist viéu que n'en poudèn èstre fièr !

"Dis Aup i Pirenèu e la man dins la man, troubaire, aubouren dounc lou vièi parla rouman". F. Mistral.

Seleiciounas un troubaire  

Liame pèr s'assabenta sus la lengo anciano :
 Gramatico dóu "proensal" e manuau sus l'art dóu "trobar" escri au siècle XIIIen
 Grammar of old provençal (en anglés)
Lexic occitan medieval - francés
Leissique rouman de Reynouard en 6 tome (1838-1844) emé gramatico, estùdi, forço trobo traducho en francés e diciounàri (4 tome 1/2)
DOM en ligno (Diciounàri de l'Óucitan Medievau)
BEdT (Bibliougrafìo Eleitrounico di Troubadour)
Rialto (Repertòri enfourmatisa de la literaturo troubadourenco e óucitano anciano)
 Lirica Medievale Romanza - banco de dounado
Trobar.org
zictrad/troubadour